Продажбата на запленети цигари ја отежнува европската интеграција на Црна Гора
Дали проценетиот приход од продажба е доволна причина за забелешки од европските партнери?
Продаваат запленети цигари или уништуваат? Да се наполни државната каса или да се држи до меѓународната практика? Дали проценетиот приход од продажба е доволна причина зазабелешки од европските партнери?
Ова се прашањата што ја мачат црногорската Влада откако полицајците и цариниците во три операции од мај до јуни годинава во пристаништето Бар конфискуваа 150 илјади кутии цигари чија вредност се проценува на десетици милиони евра, пишува Радио Слободна Европа.
Црна Гора би имала значителен финансиски бенефит од продажбата на запленетите цигари од пристаништето Бар, но Владата нема да направи ништо што потенцијално може да го загрози нејзиниот меѓународен углед, изјави министерот за финансии Александар Дамјановиќ за Радио Слободна Европа (РСЕ).
