„Жито Полог“ ќе склучи повеќе зделки со македонски компании
Собранието на акционери на „Жито Полог“ од Тетово на седницата закажана за 28.12.2015 година треба да усвои одлука за одобрување на голема зделка и зделка со заинтересирана страна, објави компанијата преку Македонската берза.
Се предлага акционерите да одобрат голема зделка и зделка со заинтересирана страна која се состои во купопродажба на пченица помeѓу Земјоделски комбинат „Пелагонија“ како продавач и „Жито Полог“ како купувач во вредност од 74.542.913 денари, како и одобрување на давање на аванс на ЗК Пелагонија АД – Битола за купопродажба на пченица во износ од 10.000.000 денари и одобрување на краткорочна денарска позајмица на ЗК „Пелагонија“ во износ од 5.000.000 денари или вкупна кумулативна вредност на меѓусебно поврзаните зделки во износ од 89.542.913,00 денари, која изнесува 17,87 % од сметководствената вредност на имотот на „Жито Полог“ АД- Тетово определена врз основа на последните ревидирани финансиски извештаи на друштвото.
Воедно се предлага одобрување на купопродажба на пченица помeѓу „Скопско Поле“ с.Петровец -Скопје како продавач и „Жито Полог“ АД Тетово како купувач во вредност од 6.761.137 денари, која вредност изнесува 1,34 % од сметководствената вредност на имотот на „Жито Полог“ АД- Тетово определена врз основа на последните ревидирани финансиски извештаи на друштвото.
Како и купопродажба на пченица помeѓу „Жито Битола“ ДООЕЛ Битола како продавач и „Жито Полог“ АД Тетово како купувач во вредност од 10.740.907 денари, која вредност изнесува 2,14 % од сметководствената вредност на имотот на „Жито Полог“ АД- Тетово определена врз основа на последните ревидирани финансиски извештаи на друштвото.
„Кумулативната вредност на меѓусебно поврзаните зделки од точки I, II и III на овој член е 107.044.957 денари која вредност изнесува 21,35% од сметководствената вредност на имотот на „Жито Полог“ АД- Тетово определена врз основа на последните ревидирани финансиски извештаи на друштвото со што се исполнети условите за голема зделка и зделка со заинтересирана страна согласно ЗТД“, соопшти компанијата.
