Зошто е добро да се јадат домати: Не сме ни свесни каква моќна намирница имаме

Доматите се храна која секој од нас треба да ја има во исхраната.

Речиси и да нема македонска трпеза без домати во текот на летото. Сакаме да го јадеме на различни начини, особено во салати со главните оброци. Доматите се ботаничко овошје, иако повеќето од нас ги сметаат за зеленчук. Оваа храна е полна со витамини и минерали, а има и многу малку калории. Домат со тежина од 60 грама содржи само 12 калории и помалку од три грама јаглени хидрати.

Богат е и со ликопен, кој на доматите им ја дава црвената боја. „Конзумирањето домати и производи на база на домати може да помогне да се заштити телото, да се зајакне имунитетот и да се намали ризикот од болести“, вели диететичарот Шери Бергер. Доматите се исто така богати со витамини А и Ц, а можете да ја зголемите апсорпцијата на ликопен со комбинирање на доматите со здрави масти, како што е маслиновото масло.

Нутриционистот Бланка Гарсија вели дека доматите помагаат подобро да се апсорбира железото од друга храна, минерал кој игра клучна улога во производството на хемоглобин и миоглобин, протеини кои носат кислород до мускулите и органите низ телото. Доматите го имаат овој ефект бидејќи содржат импресивни количини на витамин Ц, па една чаша домати може да обезбеди 27 проценти од дневните потреби за витамин Ц.