По селата се продаваат куќи и имот за 10.000 евра, но купувачи нема дури и по овие суми

Во Република Српска се уште се продаваат многу празни куќи по поволни цени, но и покрај тоа купувачи нема.

Куќи со помошни објекти, приклучена вода, струја, земјоделски парцели се нудат за 10.000 евра. Во Агенцијата за недвижнини „Сити“ во Градишка велат дека имаат во понудата десетина селски имоти, кои никој не сака да ги купи, ниту се јавува да праша за нив.

„За тие пари може да се купи имот со куќа во многу добра состојба на село. Имаме и нови куќи со повеќе ниви за 40.000 евра, но за жал тие куќи не ги сака никој. Имав примери каде четиричлено семејство попрво ќе се збие во стан од 40 квадрати отколку за истите пари или помалку да купи куќа на село со 100 квадрати“ – вели Слободан Бенцус од агенцијата.