Се изготвува нов закон за пазарџии, претходниот предлог закон нема да стапи на сила

(Oвој напис е објавен на: October 22, 2019)
Спорниот закон за зелени пазари нема да се примени, уверува министерот за економија Крешник Бектеши. Тој вели дека одложувањето на примената значи дека Владата  веќе не стои зад тој закон и поради тоа се изготвува сосема ново законско решение.
Изминатиот период се работело со сите засегнати страни, а претстојат и дополнителни средби со сите комори со цел да се изготви нов закон прифатлив за сите чинители.
Министерот Бектеши истакна дека новиот закон за зелени пазари ќе одреди пониска тарифа за лиценци, а извадњето ќе биде дисперзирано, односно лиценци за тргнување на зелените пазари нема да издава само една комора како што се предвидуваше со одложениот предлог закон.
извор: Сител