Од полноќ, дизелот поевтин за половина денар, ЕУРОСУПЕР-98 поскап за половина денар

Според најновата одлука на Регулаторната комисија за енергетика и водни услуги (РКЕВУ), од полноќ дизелот ќе биде незначително поевтин, исто како и Екстра-лесното масло за домаќинство, а ќе поскапи бензинот ЕУРОСУПЕР БС-98.

Дизелот и екстралесното масло ќе бидат за половина денар поевтини отколку до денеска, и ќе се продаваат по цена од 103 денари за литар дизел, а екстралесното масло ќе чини 98,5 денари за литар.

Бензинот ЕУРОСУПЕР БС-95 останува на досегашната цена – 89 денари за литар, а ЕУРОСУПЕР БС-98 поскапува за половина денар и од полноќ ќе чини 91,5 денари за литар.

Поевтинува и мазутот, за 0,886 денари за килограм и од полноќ неговата цена ќе изнесува 51,034 денари за килограм.