Кои намирници имаат „скриени“ калории

Физичката активност и поздравата исхрана понекогаш не се доволни за слабеење. Имено, кога некое време не гледате промена кај себе, време е да ги промените малите навики кои ве кочат во овој процес.

Овие мали навики се однесуваат на нашата секојдневна исхрана, поради што понекогаш не сме ни свесни дека трошиме повеќе калории или некои нездрави состојки. Нутриционистката Џена Хоуп наведува што треба да намалите или замените во вашата исхрана за да постигнете подобри резултати.

Шеќер во кафе или чај

Една лажичка шеќер тежи околу пет грама, што додава до 20 калории. Во исто време, една коцка или лажичка шеќер е една шестина од препорачаниот дневен внес на шеќер. Можеби 20 калории не изгледаат многу, но ако додавате две коцки шеќер или пиете кафе и чај повеќе пати на ден, тоа би можело да биде една од причините зошто не слабеете.

Цедени сокови

Нутриционистот Хоуп наведува дека цедените сокови можат да имаат неколку предности, но дека не треба да консумирате повеќе од 150 милилитри дневно, бидејќи во просек содржат околу 70 калории.

Преливи за салата

Преливот за салата може да биде особено богат со калории, сол, шеќер и заситени масти. Кога сакате да изгубите тежина, изберете комбинација од сок од лимон и оцет со додавање на суви зачини.

Зачини за месо на скара

Само една порција мајонез може да содржи околу 100 калории, а една порција кечап и популарниот сос за скара содржи околу 20 калории. Затоа, внимавајте колку порции сос користите за време на оброк.

Растително млеко

Растителните млека станаа сè попопуларни како додаток на разни кафиња. Сепак, иако се здрави, растителните млека содржат многу повеќе калории. Така, на пример, овесното млеко може да содржи околу 50 калории на 100 милилитри.

Комбинација на алкохолни и безалкохолни пијалоци

Алкохолните и безалкохолните пијалоци како сирупите или газираните сокови имаат висока калориска вредност. Затоа, комбинацијата на овие пијалоци многу лесно доведува до зголемување на телесната тежина.