Агро бизнисБез категоријаВести
Облачно со повремени врнежи од дожд, на планините со врнежи од снег
Утрово минус 1 Лазарополе, 0 Претор, 1 Крушево, Маврови Анови, 2 Охрид, Битола, 3 Прилеп, 4 Тетово, Берово, Дебар, 5 Крива Паланка, Дојран, Куманово, 6 Скопје-Зајчев Рид, Струмица, Виница, Штип, Велес, Гевгелија, 7 Демир Капија.
Променливо облачно со повремени врнежи од дожд, на планините и на повисоките места во северните делови со врнежи од снег. Ќе дува умерен, а наместа долж Повардарието повремено засилен ветер од северен правец.
Од вечерните часови особено во северните и источните делови врнежите ќе преминуваат во снег и понекаде во пониските места.
ВРЕМЕТО ВО НАРЕДНИТЕ ДЕНОВИ: Преку ноќта и утре ќе има повремени врнежи од дожд на пониските места, од снег на планините, а во северните делови понекаде врнежите ќе преминуваат во снег и на повисоките места. Во ноќта кон вторник и во вторник претпладне врнежите ќе престануваат и особено во северните и источните делови повремен снег ќе паѓа и на пониските места. Од утре ќе дува умерен до засилен северен ветер најизразен во вторник и кон крајот на работната недела и ова ќе предизвика значително заладување во текот на следната седмица.
