Агро бизнисБез категоријаВести
До четврток ќе се задржи стабилно време
Најстудено утрово минус 3 степени во Лазарополе, -2 Берово, -1 Битола, Крива Паланка, 0 Скопје - Петровец, Тетово, Маврови Анови, Прилеп, Струмица, 1 Претор, Дебар, Штип, Демир Капија, Гевгелија, Кавадарци, Велес, 2 Скопје - Зајчев Рид, Попова Шапка, Охрид, Крушево, 3 Виница.
Претпладне во западните и источните делови со услови за слаб локален дожд, а по одделни котлини ќе има појава на магла. Во текот на денот сончево со мала, а во западните делови со умерена до значителна облачност. Ќе дува слаб ветер од северозападен правец.
Во Скопје претпладне со услови за појава на магла, преку денот сончево со мала до умерена облачност.
ВРЕМЕТО ВО СЛЕДНИТЕ ДЕНОВИ: До четврток ќе се задржи претежно стабилно време со појава на магла по котлините. Дневната температура ќе биде во пораст, освен по одделни котлини каде ќе има појава на магла или ниска облачност. Од четврток попладне до сабота времето ќе биде променливо облачно со врнежи од дожд, а на планините од снег. Во петок и во сабота ќе дува засилен северен ветер и врнежите ќе преминат во снег и на повисоките места. Температурата насекаде ќе опадне.
