Агро бизнисБез категоријаВестиМакедонијаТоп вести
Облачно со врнежи од дожд, на повеќе места ќе бидат поројни и обилни (над 30 л/м2)
Ќе дува умерен до засилен ветер од северен правец. Максималната температура ќе биде во интервал од 8 до 13 степени.
ВРЕМЕТО ДЕНЕС (03.04): Облачно, почнувајќи од јужните делови со врнежи од дожд, кои попладне и во вечерните часови на повеќе места ќе бидат поројни и обилни (над 30 л/м2). На планините и на некои повисоки места во западните делови врнежите до крајот на денот ќе преминат во снег, а во текот на ноќта во овие подрачја се очекува и формирање на снежна покривка. Ќе дува умерен до засилен ветер од северен правец. Максималната температура ќе биде во интервал од 8 до 13 степени.
Во Скопје облачно, попладне и во текот на ноќта со пообилни врнежи од дожд. Ќе дува умерен до засилен северен ветер. Максималната температура ќе достигне 13 степени.
ВРЕМЕТО ВО СЛЕДНИТЕ ДЕНОВИ: Под влијание на циклонска активност утре ќе има врнежи од дожд, кои попладне и во вечерните часови на повеќе места ќе бидат поројни и обилни (над 30 л/м2). На планините и на некои повисоки места во западните делови врнежите до крајот на денот ќе преминат во снег. Врнежи се уште ќе има и во вторник претпладне, а во западните делови во повисоките подрачја се очекува формирање на снежна покривка. Утре, а особено во вторник ќе дува засилен северен ветер што ќе услови значително намалување на дневната температура. Потоа ќе преовладува променливо и посвежо време, во среда се уште со услови претежно на планините да провејува слаб снег.
