Експертите сметаат дека пиперот би можел да биде адут на градинарите за сезоната

Губитник на годината во зеленчукот за 2022 година е секако зелката, која имаше висока цена во 2021 година. Но, тоа не се повтори минатата година, па многумина останаа „навлечени“ да засадат култура од која не направија добар профит, велат експертите од Србија. 

Доматите се покажаа како стабилен род за профитабилно производство, годината можеше да се заработи и до 30 отсто повеќе од претходната година. Краставицата е исклучок која донекаде ја наполни касата на земјоделците. Цената на краставицата остана доста висока, дури и во делот од сезоната кога ги имаше многу на пазарот.

Дел од приходите секако ги изедоа многу повисоките производствени трошоци поради вештачките ѓубрива, но и помалиот принос поради климатските промени. Сепак во повеќегодишен просек се препорачуваат доматите, велат за АгроТВ на Експерименталната фарма на белградскиот Факултет за Земјоделство (ОДПФ) во Радмиловац, каде што покрај науката, имаат и комерцијалното производство.

Од Институтот за зеленчук, на истиот факултет, како потенцијален адут во наредните години го гледаат пиперот.

– Тешко е да се издвои една култура која би можела да се препорача, но ако можам да прогнозирам, можеби тоа е пиперката, која веќе неколку години покажува зголемен тренд на извозот. Има и индустриски зеленчук – боранија, грашок, слатка пченка – кои се целосно механизирани и кои најмногу се извезуваат како замрзната програма. Но, тоа е се за големо производство – вели доктор Ѓорѓе Моравчевиќ од овој институт.https://agropress.org.rs/