ЕУ привремено го запира механизмот за купување на млеко во прав

(Oвој напис е објавен на: January 30, 2018)

mleko vo prav

Европската унија (ЕУ) одлучи да го стопира привремено механизмот за откуп на млеко во прав во позадина на наталожените од Брисел веќе 400.000 тони од суровината.

Учесниците во министерскиот состанок на Советот на ЕУ за земјоделство и рибарство одлучија денес да престанат со системот за годишен максимум за автоматски откуп, познат како „осигурителна мрежа“ за пазарот.

Според овој механизам на први март од секоја година започнува т.н. период за интервенција во кој производителите можат да продаваат млеко во прав на Европската комисија (ЕК) во фиксни цени, познати однапред, до одредена количина. Над овој праг, продажбата се продава на аукција.

ЕУ одлучи денеска да го намали прагот од 109.000 тони до нула. Целта е да се избегне понатамошно намалување на цените и нов пад во животниот стандард на фармерите, се вели во соопштението од состанокот.

ЕК се обидува да се ослободи од 380.000 тони млеко во прав, акумулирани во текот на 2016-та година во екот на кризата на пазарот, каде што целта беше да се ограничи падот на цените.

Овие резерви, кои се чуваат во магацини во неколку земји-членки, се одразуваат на сегашната цена на млекото во прав, што, за разлика од обичното млеко, поевтинува од една година и сега е под цената на интервенциите.

Советот одлучи денеска да интервенира за да го стабилизира пазарот на млечни производи во 2018-та година, коментира бугарскиот министер за земјоделство Румен Порожанов, кој претседава со Советот. „Тоа одговара на нашата посветеност да ги следиме случувањата на пазарите и да се осигура дека „осигурителната мрежа“ се користи паметно и предвидливо, не само како одговор на превирањата на пазарот, но и за превенција кога е можно“, додава тој.

ЕУ ќе продолжи да интервенира и ќе го „решава случајот за тоа кои количини и по која цена да се купат“.


 

denar.mk