вести

Градско и Росоман ќе бидат пет дена без вода за наводнување

Поради голем дефект на хидромелиоративниот систем „Макарија“, без вода за наводнување останаа земјоделските површини во атарите на Градско и во Росоманско.

gradsko i rosoman kje bidat pet dena bez voda za navodnuvanje

 

Според Љубе Димов, директор на подружницата „Тиквеш“ од Kавадарци на АД „Водостопанство на Македонија“, пукнал сифонот на каналот за наводнување кај росоманското село Kамен Дол.

– Станува збор за поголем дефект поради дотраени лимови и армирана бетонска облога на цевководот. Интензивно се работи на терен и лимовите и армираната бетонска облога се заменуваат со нови. Очекуваме за околу пет дена каналот да биде доведен во ред и непречено да продолжи наводнувачката сезона во тој дел од хидромелиоративниот систем – информира директорот.

Апелира до корисниците на вода за наводнување за трпение.

– Работниците ќе сторат се што можат за водата во најскоро време да потече во каналите – нагласи тој.

Тагови

Слични написи

Back to top button
Close