вести

Грантови за земјоделци за воведување на агроеколошки мерки преку Програмата за развој на ООН

(Oвој напис е објавен на: февруари 19, 2018)

mzsv

Министерот за земјоделство, шумарство и водостопанство, денеска денеска заедно со постојаниот претставник на Организацијата на Обединети Нации (UNDP) во Македонија, г-ѓа Луиза Винтон, и со градоначалниците на Општина Ново Село и Босилово, Боро Стојчев и Зоран Зимбаков, го промовираа вториот циклус на обуки за земјоделци за воведување на агроеколошки мерки во сливот на реката Струмица.
Проектот за управување со сливот на река Струмица ги опфаќа териториите на општините Радовиш, Конче, Струмица, Василево, Босилово и Ново Село, и е од витално значење за овие региони.

Целта на проектот да се воведат сет на сеопфатни мерки за обновување на функциите на сливот на река Струмица и да се зголеми неговата отпорност кон притисоците кои произлегуваат од економските активности и глобалните промени. Проектот е заснован на принципите на Директивите на ЕУ за води и поплави.

Со проектот е предвидена поддршка за  воведувањето на современи агро-еколошки мерки кај главните градинарски и овошни културиво регионот, односно грантови за земјоделците до 300.000 денари, кои ќе ги обезбеди UNDP.

Поддршката за земјоделците е преку набавка на современа земјоделска опрема, како што се системи за микронаводнување, уреди за следење на влажност во почвата, системи за фертиригација, опрема за следење на појавата на болести и штетници.

Министерот Николовски посочи дека ваквите проекти и во иднина ќе се поддржуваат со цел навремена едукација на земјоделците.

„ Едукацијата на земјоделците во делот на примената на агроеколошките мерки, е нешто на кое што како ресорно министерство во иднина ќе посветиме сериозно внимание, се со цел да можеме ефикасно да се справиме со ризиците од поплави  и суши, кои го прават ранлив еко-системот, пред се поради негативните влијанија од климатските промени. За таа цел, дел од политиките во Националната Програмата за развој на земјоделството и руралниот развој за периодот 2018-2022 година која што Владата  веќе ја усвои, се во насока на одржливо управување со природните ресурси и намалување на влијанието на климатските промени во земјоделството. Тоа го постигнеме преку воведување токму на агро-еколошки мерки и спроведување на добра земјоделска и хигиенска пракса. Планираме спроведување на три  нови агро-еколошки мерки финансирани преку ИПАРД Програмата,  и тоа заштита на биодиверзитетот на автохтони раси, заштита на автохтони  сорти и органско производство, како и зајакната поддршка во шумарството и зголемено пошумување преку годишните програми“, изјави министерот Николовски.

Воедно, министерот Николовски и постојаниот претставник на UNDP, г-ѓа Винтон, разговараа и за нови идни проекти за едукација на земјоделците и развој на земјоделството, со поддршка од UNDP.

 


 

мзшв.гов.мк

 

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close