fbpx
Агро бизнисБез категоријаВестиМакедонијаТоп вести

Јадете банани поевтини се од кромидот

Килограм банани е поевтин од килограм кромид. Производителите лоцираат неколку причини за ваквата состојба.

Кромидот достигна цена од 80 денари за килограм, која не ја помнат ниту највозрасните купувачи, ниту производителите. Така во овој период, килограм банани е поевтин од килограм кромид. Производителите лоцираат неколку причини за ваквата состојба.

„До пред некоја година, прекупците го купуваа кромидот за пет денари за килограм, а на пазар го продаваа за 25/30 денари. Решив наместо три декари, да работам еден, колку за дома и за мои блиски. Не дозволувам со моите труд и мака прекупците да се богатат. Пет пати поскапо го продаваа. Ако сака државата да не биде зависна од увоз, нека нè заштити“, вели земјоделец од велешкото село Иванковци, кое со селото Мамутчево беа најголемите одгледувачи на кромид во регионот.

„Цената на кокарот, тоа е расад за кромид, многу скокна. Тој најмногу се одгледува во Скопско, ама младите не го работат. Останаа постарите кои не се во можност да работат многу, па нема толку расад и цената скокна. Со тоа и цената на кромидот“, објаснува одгледувач од велешкото село Дурутовец.

Селото Каратманово во Овче Поле беше голем производител на кромид, но со годините се намалуваат површините, но и бројот на семејства кои го одгледуваат.

„Се смени и климата. Се знае кога на кромидот му треба вода, кога не. Лани фатија дождови кон крајот на јуни и го преполовија родот“, кажа земјоделец од Каратманово.

Тагови

Слични написи

Back to top button
Close