Министерство за земјоделие: Утре средба со производителите на зелка
„Министерството за земјоделство шумарство и водостопанство го следи пласманот на пролетната зелка на терен од самиот старт, но и преку разговори со земјоделските производители и трговците пред почеток на откупот.
Разбирлива е грижата на земјоделските производители и старавувањата од драстично намалување на цената на пролетната зелка, имајќи предвид искуството од неколку години наназад.
Со цел обезбедување на сигурен пласман и откупна цена,утре во Министерството за земјоделство, шумарство и водостопанство ќе се одржи средба со производителите на зелка, кои денеска излегоа на предупредувачки протест во село Муртино Струмичко, пишува во денешното соопштение на Министерството за земјоделие.
„На средбата само ќе ја потврдиме заложбата на Владата за сигурно производство и откуп што е во интерес не само на земјоделците туку и на извозниците.
Обезбедувањето на сигурен пласман за земјоделските производи е еден од клучните приоритети на Владата на Република Македонија. Во таа насока, како ресорно министерство интензивно работиме на промоција и отворање на нови пазари за македонските земјоделски производи, порачаа од Министерството за земјоделие.
