Наутро до -8, преку ден до 15 степени

Наутро постудено, а преку денот претежно сончево и потопло. Ќе дува слаб ветер од југозападен правец.
Минималната температура ќе биде во интервал од -8 до 2, а максималната ќе достигне од 8 до 15 степени.

Во Скопје Во Скопје наутро постудено, а преку денот ќе биде сончево и тивко. Минималната температура ќе се спушти до -4, а максималната ќе достигне до 11 степени.

ВРЕМЕТО ВО СЛЕДНИТЕ ДЕНОВИ: До крајот на неделава времето ќе се задржи стабилно и суво, со повеќе сончеви периоди и со постепен пораст на дневните температури. Најтопло ќе биде за време на викендот. Поголемо наоблачување со услови за појава на дожд се очекува од понеделник.