Неофицијално-првите субвенции за краварите и пчеларите уште утре или во петок

Фармерите од Македонија со нетрпение ги очекуваат субвенциите. Сите се едногласни дека требаше да се исплатат порано. Бројни се реакции по социјалните мрежи. Субвенциите ги очекуваат и краварите и овчарите и пчеларите, градинарите, овоштарите… Нефицијално први ќе бидат исплатени краварите, основна мерка и пчеларите до петок, а можеби и уште утре.

Според календарот сточарите требаше да бидат исплатени во април.  А краен рок за исплата на сите субвенции е во јуни.

-Требаше да се исплатат до 30 јуни за која динамика зборуваме, закаснети и обезвреднети. До кога пчеларите ќе чекаат на намалените субвенции?, коментираат и негодуваат фармерите.

Имаме информации, засега неофицијални дека за овчарите се уште не се подготвени исплатите.

Вчера министерот Љупчо Николовски објави дека се што е заостанато ќе почне да се исплатува од овој месец.

-Од овој месец согласно утврдената динамика започнува исплатата на заостанатите обврски кон земјоделците. 2022 година ќе биде година во која државата до денар ќе расчисти со долговите према земјоделците, но и година во која за прв пат ќе започне авансна исплата на субвенциите, најпрво кај овоштарите, објави министерот Љупчо Николовски.

А.Б