Агро бизнисБез категоријаВести
Од денес до в недела пролетни температури и до 17 степени, следната недела студ
Денеска во западните делови ќе има услови за појава на краткотраен дожд.
Променливо облачно, претпладне со појава на магла по одделни котлини. Попладне од запад облачноста ќе се зголемува и преку ноќта во крајните западни делови ќе има услови за појава на краткотраен дожд. Преку денот ќе дува слаб до умерен ветер од јужен правец.
Во Скопје променливо облачно, претпладне со појава на магла. Ќе дува слаб до умерен ветер од јужен правец.
ВРЕМЕТО ВО НАРЕДНИТЕ ДЕНОВИ: Ќе биде стабилно, утре и во петок наутро ќе има појава на магла по котлините. Во петок и на почетокот на викендот ќе дува умерен до засилен јужен ветер што ќе предизвика значителен пораст на дневните температури и побрзо топење на преостанатата снежна покривка. В недела се очекуваат врнежи од дожд, а ветерот ќе се промени во северен.
