вестиТоп вести

Почнува последната недела од серијата инфо – денови за ИПАРД 2

Почнува последната недела од серијата инфо – денови организирани од страна на Телото за управување со ИПАРД фондовите при Министерството за земјоделство, шумарство и водостопанство и Агенцијата за финансиска поддршка во земјоделството и руралниот развој.

Според програмата, утре инфо – денови ќе се одржат во Виница (11:00) и Делчево (15:00), задутре во Сарај (10:00) и Брвеница (14:00), на 7 ноември во Крушево (11:00), а на 8 ноември во Кратово (11:00).

Претставени ќе бидат мерката 3 „Инвестиции во физички средства за преработка и маркетинг на земјоделските и рибните производи” и мерката 7 „Диверзификација на фарми и развој на бизниси”. Клучен фокус е мерката 7 зашто сѐ уште има отворен повик, поточно Повикот број 01/2019 кој трае до 18-ти ноември 2019.

Изминатите инфо-денови се реализира во октомври и покрија голем дел од државата, од Сопиште до Дојран и од Петровец до Вевчани, на 14 различни локации.

Претставници на Министерството и Платежната агенција во рамки на кампањата за публицитет на ИПАРД 2014-2020 на веќе одржените 14 инфо – денови ги информираа граѓаните и заинтересираните за можностите за искористување на средствата од ИПАРД Програмата 2014-2020.

Извор:24инфо.мк

Тагови

Слични написи

Back to top button
Close