вести

Повеќе пари за земјоделците со ИПАРД 2

(Oвој напис е објавен на: март 4, 2017)

povekje pari za zemjodelcite so ipard 2

Со новиот ИПАРД 2 оглас кој треба да биде објавен овој месец, земјоделските стопанства можат да побараат пари за реконструкција на досегашните и за реализирање нови инвестиции. Кофинансирањето е поголемо и се движи од 60 до 70 проценти.

 

На огласот кој треба да се објави овој месец, сите регистрирани земјоделци, правните лица и земјоделските задруги можат да побараат финансиска поддршка од новата ИПАРД 2 програма.

Финансирањето е 60 проценти за една инвестиција. За младите земјоделци паричната помош е поголема и изнесува 65, а за земјоделските стопанства во планински области 70 проценти.

Зголемена стапка на кофинансирањето за 10 процентни има и доколку се работи за инвестиции кои се однесуваат на системи за складирање, за намалена употреба на азотните ѓубрива, енергетска ефикасност или за производство на био-енергија и третман на отпадните води.

Најниска вредност на вкупните прифатливи трошоци е 3.000, а максималната 1.500.000 евра.

 

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close