Променливо облачно со сончеви периоди и дожд

Времето денеска во Македонија ќе биде променливо облачно со сончеви периоди и нестабилно со локален пороен дожд и грмежи, соопшти УХМР.

Минималната температура ќе биде во интервал од 11 до 20 степени целсиусови, а максималната од 24 до 34 степени целсиусови.

Во Скопје времето ќе биде сончево со мала до умерена облачност. Во делови од котлината ќе има услови за краткотраен пороен дожд и грмежи.

УХМР најави период на претежно стабилно и топло време со умерен, повремено засилен ветер од северен правец.