вести

Раскинати над 200 договори за земјоделско земјиште поради неплаќање закуп

Министерството за земјоделство ги интензивира активностите во земјишната политика. Покрај досега реализираните осум огласи за давање во закуп 6.972 хектари државни површини, паралелно работи на ослободување на државното земјиште од оние што го имаат во владение, но подолго време за тоа не плаќаат.

Како што информира денеска ресорниот министер Љупчо Николовски, досега се раскинати вкупно 212 договори поради неподмирен закуп. Во тек се постапките за несовесните субјекти, најпрво преку процесот на медијација.

-Се работи за земјиште што се давало под закуп на најмалку три години. Постапката за санкционирање ќе потрае, уште е во тек процесот на медијација. Сметаме дека веројатно бројот на раскинати договори ќе достигне околу 500 – 600, рече Николовски.

Во неплаќањето закуп за државното земјиште, како што нагласи министерот, предничат Гевгелија, Свети Николе и Куманово.


 

a1on

Тагови

Слични написи

Back to top button
Close