вести

Рурална коалиција: Земјоделците се незадоволни бидејќи се само формално вклучени во креирањето земјоделски политики

(Oвој напис е објавен на: јануари 29, 2018)

zemjodelci

„Во периодот од 2013 до 2016 година, само 3 проценти од земјоделците учествувале во работата на некоја потсекторска група во Министерството за земјоделство, шумарство и водостопанство (МЗШВ). Наспроти овој минимален процент, дури 87 отсто од земјоделците сакаат активно да дадат свој придонес во работата на надлежното министерство. Во Вардарскиот, Скопскиот и Североисточниот регион, заинтересираноста на земјоделците за учество во креирањето и спорведувањето земјоделски политики се искачува и до 96 проценти.

Истражувањето на Рурална коалиција, спроведено во втората половина на 2017 година, покажува дека Министерството, во согласност со Законот, има воспоставено механизми и работни тела за вклучување на земјоделците, но нема никаков континуитет и отвореност во нивната работа. Ваквата практика резултира со голема недоверба и незадоволство кај земјоделците. Состојбата е уште поалармантна ако се има предвид фактот дека сите земјоделци (100%) вклучени во истражувањето, нагласуваат дека немаат никакви информации за содржината, формата и заклучоците од состаноците на потсекторските групи, ниту пак, ги препознаваат членовите на овие групи кои доаѓаат од нивните региони.

Имајќи го предвид ова, Рурална коалиција предлага неколку форми и начини за надминување на постојните проблеми: (1) Зголемување на транспаретноста и отвореноста на Министерството спрема земјоделците; (2) Навремено подготвување и објавување на програмите, извештаите и одлуките на Министерството и нивна дистрибуција до земјоделците; (3) Вклучувањето на земјоделците да претставува приоритет за надлежните институции; (4) Да се развијат и применуваат механизми и индикатори за мерење на интензитетот и квалитетот на известувањето и вклучувањето на земјоделците во креирањето и спроведувањето зејмоделски политики..

Завршниот мониторинг извештај претставува краен резултат на активностите што Рурална коалиција ги реализираше во периодот јуни 2017 – јануари 2018 година, во рамки на проектот „Отчетност за сработеното со парите на граѓаните – реформа на јавната администрација која тешко се достигнува“. Овој проект е дел од проектот „Граѓанска алијанса за транспарентност – набљудување на процесот на реформи на јавната администрација од страна на граѓанските организации“, на Фондацијата Отворено општество – Македонија и Евротинк – Центар за европски стратегии, а финансиран од Европската Унија“ се вели во соопштението на Рурална коалиција.


 

a1on.mk

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close