Сончево и топло, попладне нестабилно со дожд, грмежи и појава на град

Сончево и топло со мала до умерена облачност. Попладне на места ќе биде нестабилно со пороен дожд и грмежи, а можна е и појава на град.

За време на викендот ќе се задржи многу топло време, попладне со локална појава на пороен дожд и грмежи, а можна е и изолирана појава на град. Во текот на следната работна седмица под влијание на влажна и нестабилна воздушна маса на повеќе места ќе биде нестабилно со пороен дожд и грмежи. Локално процесите ќе бидат во форма на невреме со интензивен пороен дожд (за кратко време поголема количина), силни електрични празнења, силен ветер (над 70 км/час) и појава на град. Температурата ќе биде во опаѓање.