Сточар од Хрватска со европски фондови ја модернизирал својата фарма

Во Програмата за развој на млечниот сектор во Република Хрватска до 2030 година, посебно внимание се посветува на малите производители на кравјо, овчо и козјо млеко токму поради тоа што се од исклучително значење за виталноста на руралните заедници.

Фридерик Хајдињак (43) од селото Небојше во општина Десиниќ, Хрватска е одличен пример за млад земјоделец кој преку мерката 4.1.1 успеал да добие европски пари за нова штала, силос и трактор. Грантот го искористил за преструктуирање, модернизација и зголемување на конкурентноста на неговото семејно земјоделско стопанство. Инвестицијата вредела околу 27.000 евра од кои 70 проценти од трошоците биле покриени со грантот.

Ако се оди според планот, Хајдињак од загорското село Небојше треба .да му биде многу подобро да продолжи да го прави тоа што го работи. Тој е еден од ретките кои не се откажале ниту од млекарството, ниту од семејната традиција, која со две-три крави ја започнал неговиот дедо, ја продолжил неговиот татко, а сега и тој ја продолжил работата. На фармата на Фридерик четириесетина крави Симентал даваат околу 700 литри млеко дневно, кое го зема цистерна од локалната млекарница. Хајдињачани добиваат 0,51 центи за литар млеко.

Но, прашање е што ќе се случеше доколку немало неповратна финансиска „инјекција“ од ЕУ фондовите, за дел од инвестициите во опрема и модернизација, неопходни за продолжување на бизнисот.

„Нашите крави се шетаат слободни, пасат кога сакаат, се молзат два пати на ден. Аплициравме и за мерката за роботизирање на работењето на фармата, тоа е голем предизвик за нас. Ги чекаме резултатите, но чекањето е малку предолго“ – вели Фридерик Хајдињак.

За производство на храна за стоката, семејството Хајдињак обработува околу педесетина хектари земја, поделена на дури 200 парцели, поради што компјутерот се блокирал кога Фридерик дошол да ги внесе сите парцели.

„Ние сме најголемите производители на млеко во оваа област, сите помали фарми се затворени. Тешко е, но некако туркаме, не се откажуваме“ – додава млекарот.

Неговите синови исто така се гледаат во млекопроизводството и имаат желба да ја продолжат традицијата, како четврта генерација млекопроизводители во семејството.

Кравите од оваа фарма даваат околу 700 литри висококвалитетно млеко дневно. Ги има околу четириесетина за молзење на фармата, а има и уште толку телиња. За обезедувањето храна за исхрана на животните семејството обработува педесетина хектари земја, распослана на двесте парцели, поради што е помалку тешко да се искосат. Тие исто така нудат услуги и за други земјоделци. Целото семејство работи и помага на фармата, заедно придонесувајќи за развојот на семејното земјоделско стопанство.https://www.brif.mk/