Сите вина на „Тиквеш“ пријавени на најмасовниот светски вински натпревар „Декантер“ во Лондон освоија награди. Од вкупно 16.000 пријавени вина од целиот свет, винарската визба „Тиквеш“ освои вкупно 13 награди, од кои 7 бронзени медали и 6 признанија.
Медали добија вината „домен лепово гранд куве 2013“ и „домен лепово шардоне 2014“; „гренаш бланк“ и „шардоне“ од серијата „спешл селекшн“, берба 2015; „александрија куве“ 2014, црвено; како и „бела вода“ црвено од бербата 2013-та и „барово“ црвено од бербата 2012-та.
Покрај медалите, овие вина добија и одлична препорака од судиите-оценувачи.
