Заев најави исплата на субвенциите за оризопроизводителите

Оризопроизводителите од кочанско на протести излегуваат во вторник. Со земјоделската механизација ќе го блокираат патот Штип-Кочани Бараат исплата на субвенциите пред стартот на сеидбата, но и повисоки откупни цени на оризовата арпа и белиот ориз, како и навремено чистење на каналите и пуштање на водата за наводнување. Премиерот, Зоран Заев од Пробиштип им порача дека знае за нивното незадоволство и им најави дека се работи на проблемот за исплатата на субвенциите.

Иницијативниот одбор за спас на оризопроизводството не го откажува протестот и покрај ветувањата на премиерот оти деновиве ќе се решат проблемите со субвенциите. Тие велат дека ова е само еден проблемите. Во моментов откупната цена е многу ниска и се движи од 17 до 20 денари за килограм.

Оризопроизводителите очекуваат на заедничка маса да седнат со министерот, а го канат и премиерот, во спротивно патот Штип-Кочани ќе го блокираат секој втор ден.

https://telma.com.mk/2021/02/21/%D0%BE%D1%80%D0%B8%D0%B7%D0%BE%D0%BF%D1%80%D0%BE%D0%B8%D0%B7%D0%B2%D0%BE%D0%B4%D0%B8%D1%82%D0%B5%D0%BB%D0%B8%D1%82%D0%B5-%D0%B2%D0%BE-%D0%B2%D1%82%D0%BE%D1%80%D0%BD%D0%B8%D0%BA-%D0%BD%D0%B0-%D0%BF/