Земјоделци-Бугарите ни вратија нови 9 тони македонски пиперки

Бугарската агенција за безбедност на храната (BFSA) го суспендираше пристапот до пазарот на ЕУ за две пратки – едната со грозје од Турција и другата со пиперки од Северна Македонија – поради откривање на покачени нивоа на остатоци од пестициди.

Пратката трпезно грозје е од Турција и има вкупна количина од 19,200 кг и ќе биде вратена назад во земјата. Втората пратка содржи 9.502 кг пиперки од Република Северна Македонија, кои ќе бидат испратени на уништување.

Контролните примероци земени во лабораториите на агенцијата се дел од воведениот засилен мониторинг на свежо овошје и зеленчук наменето за бугарскиот пазар. Двете несообразности се откриени во рамките на засилената контрола, која има за цел да спречи влегување на опасни прехранбени производи во трговската мрежа.

Досега, инспекторите запреа вкупно пет пратки трпезно грозје од Турција, со тежина од над 53 тони. На ист начин, на две пратки пиперки од Република Северна Македонија, со тежина од над 21 тон, им беше одбиен влез на пазарот.