вести

ЕК дополнително ќе ја финансира промоцијата на храна во целиот свет

(Oвој напис е објавен на: јануари 15, 2018)

hrana

Дополнителното финансирање од 169 милиони евра за промоција на земјоделските производи од ЕУ во светот ќе биде обезбедено од Европската комисија. Ова е 27 милиони евра повеќе отколку во 2017-та година, кога буџетот за оваа намена изнесуваше 142 милиони евра.

Брисел очекува предлози за програми за промовирање на европските земјоделски производи ширум светот и во рамките на ЕУ, објави Комисијата.

Две третини од средствата се наменети за публицитет во земјите што не се членки на ЕУ, особено во земјите со висок потенцијал за раст на извозот од Европа. Тоа се Канада, Јапонија, Кина, Мексико и Колумбија.

За програмите низ цела Европа фокусот треба да биде информирањето на потрошувачите за различните шеми и етикети за квалитет на ЕУ, како што се оние за географски ознаки или за биопроизводи.

Секторско финансирање ќе биде за програми кои промовираат одржливо одгледување, вклучувајќи овци и кози. Финансиските ресурси се исто така наменети за кампањи за поддршка на здравата исхрана и потрошувачка на овошје и зеленчук.

„ЕУ е најголемиот светски трговец на прехранбени производи и е место со најквалитетна храна во светот“, рече комесарот за земјоделство Фил Хоган.

Право да аплицираат има трговските организации и организациите на производители, како и тела од прехранбениот сектор одговорни за промотивни активности. Програмите може да се имплементираат во една земја или се мултинационални.

Предлозите се доставуваат до 12-ти април 2018-та година преку посветен портал. Комисијата, исто така, ќе ги објави изведувачите на есен.

„CHAFEA“ (Извршна агенција на ЕУ за потрошувачи, здравство, земјоделство и храна) ќе им помогне на кандидатите да ги достават своите предлози успешно. Повеќе информации ќе бидат обезбедени за време на серијата информативни денови ширум ЕУ.

Првиот информативен ден ќе биде во Брисел на 31-ви јануари, со потенцијални промотори на проектот, рекламните агенции и националните власти.


 

денар.мк

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close