Алармантно – Пожар засилен со силен ветер му се заканува на НП Пелистер од страната на Преспа
„Огнот брзо напредува имаме луѓе на терен но немаме секаде пристап оти огнот се шири на места каде што нема патишта во шумата. Во моментот сме екипирани 4 возила со 12 пожарникари од Преспа, тука се вработени од Националниот парк Пелистер и од Македонски шуми, како и вработени од Диреккцијата за заштита и спасување. Гори борова шума и ситуација е серизона за што веќе имаме најава за помош со ер трактори“, изјави за АПЛА командирот Таировски.
Пожар засилен со силен ветер му се заканува на НП Пелистер од страната на Преспа. Ситуацијата е алармантна потврдува за АПЛА командирот на Противпожарната единица од Ресен, Мута Таировски.
Командирот Таировски вели дека пожарот започнал од страната на Долна Бела Црква со опожарена смрека, нискостеблеста шума и даб, во правец кон патот за Претор, и за многу брзо време заради силниот ветер што го зафатил овој крај пожарот напредува кон Националниот парк Пелистер.
„Огнот брзо напредува имаме луѓе на терен но немаме секаде пристап оти огнот се шири на места каде што нема патишта во шумата. Во моментот сме екипирани 4 возила со 12 пожарникари од Преспа, тука се вработени од Националниот парк Пелистер и од Македонски шуми, како и вработени од Диреккцијата за заштита и спасување. Гори борова шума и ситуација е серизона за што веќе имаме најава за помош со ер трактори“, изјави за АПЛА командирот Таировски.
Според директорот на НП Пелистер Иванчо Тошевски -„Некаде пред 15 часот во близина на границите на Националниот парк Пелистер од преспанска страна избувнат е пожар. Во моментов пожарот е навлезен и во Националниот парк помеѓу подножјето на врв Вртушка и врв Малачука. Екипи на НП Пелистер во соработка со екипи на ТППЕ Ресен и Битола делуваат на терен со цел на локализирање на пожарото. Механизација од јавни претпријатија од Битола веќе е упатена кон пожарот со цел да даде поддршка“, изјави Тошевски за АПЛА.
Анета Блажевска
фото Мута Таировски
