вести

Челику: Идните политики на МЗШВ ќе се креираат врз база на детални анализи

(Oвој напис е објавен на: март 6, 2018)

brasno

Министерството за земјоделство, шумарство и водостопанство на Република Македонија, како одговорна институција за креирање и спроведување на земјоделската политика во државата, работи на создавање на политики кои како краен резултат имаат долгорочен одржлив развој на земјоделството во Република Македонија. Таквите политики мора да се базирани на податоци, анализи, утврдени состојби и предвидени трендови и ефекти.

Имајќи го предвид ова, денес, во просториите на Министерството за земјоделство, шумарство и водостопанство беа презентирани анализи на политики во областа на земјоделството и руралниот развој со препораки за подобрување на истите согласно со условите во државата и усогласување со политиките на ЕУ. Областите кои беа опфатени се: подрачја со ограничени можности, управување со природни ресурси, пристапот LEADER, како и мониторинг на земјоделската политика.Анализите се подготвени и беа презентирани од страна на национални експерти од областа, а поддржани од Постојаната работна група за регионален рурален развој во ЈИЕ (SWG) и Германската агенција за меѓународна соработка (GIZ).

Денешниот настан “Креирање политики врз база на анализи” го отвори Државниот Секретар на Министерството за земјоделство, шумарство и водостопанство на Република Македонија, Нефрус Челику, а свои обраќања имаа  и Генералниот Секретар на SWG, Бобан Илиќ, како и Ирена Џимревска, Советник во GIZ. Тие упатија благодарност до Министерството за земјоделство, шумарство и водостопанство за поддршката во спроведувањето на анализите и изразија надеж дека истите ќе бидат користени во креирањето на националните политики.

На насатанот беа присутни повеќе од 40 учесници од релевантни институции, како што се МЗШВ,Агенцијата за финансиска поддршка на земјоделството и руралниот развој, Агенцијата за храна и ветеринарство, Агенцијата за поттикнување на развојот на земјоделството, академијата, приватниот, јавниот и граѓанскиот сектор.

Во име на Министерството за земјоделство, шумарство и водостопанство на Република Македонија, Државниот Секретар на Министерството изрази благодарност до SWG за посветеноста на регионална соработка во областа на земјоделството и руралниот развој и за поддршката во процесот на анализа на земјоделските политики. Исто така, упати благодарност до ГИЗ, Германското федерално министерство за економска соработка и развојза безрезервната поддршка во напоритена МЗШВ да креира политики кои ќе доведат до одржлив развој на земјоделството во Република Македонија, а во склад со политиките на ЕУ.

Државниот Секретар на МЗШВ нагласи дека препораките кои произлегуваат од анализите внимателно ќе бидат елаборирани и ќе бидат земени во предвид при развивањето на земјоделските политики во Република Македонија.  Тој изрази надеж дека досегашната соработка со SWG и GIZ и понатаму ќе продолжисо проширување на опфатените области на анализа.


 

мзшв.гов.мк

 

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close