Даниела Иротова – Утре од Прилеп почнува распределбата на картичките за зелена нафта

Утре почнува распределбата на картичките за зелена нафта. Директорката на Платежната агенција, Даниела Иротова Лазарева за Зелена берза потврди дека таа утре во Прилеп ќе ги додели првите картички за зелена нафта. Тоа ќе следат Штип, Свети Николе,  Битола… Во дел од градовите ќе присуствува и министерот Борче Серафимовски.  Мерката за „зелена нафта“ се доделува како државна субвенција со цел директно да се намалат трошоците за гориво на земјоделците при извршување на нивните земјоделски активности. Со оваа поддршка се покрива дел од трошокот за набавка на гориво (еуродизел) за земјоделска механизација.