Доаѓа криза со пивото и свинското месо

Во четвртокот, најголемата светска компанија за ѓубрива Јара, со седиште во Норвешка, објави намалување за 50 отсто во производството на азотни ѓубрива базирани на уреа и амонијак во Европа, наведувајќи ги „рекордно високите цени на суровините“. Одлуката дојде помалку од 24 часа откако најголемата британска фабрика за ѓубрива CF Fertilizers UK соопшти дека „привремено ќе го прекине“ производството во фабриката во Билингем. Претходно во текот на неделата, два други големи производители на ѓубрива во Полска објавија дека ќе престанат со работа, објави Политико.

Ѓубривата не само што се од витално значење за зголемување на плодноста на почвата на земјоделските култури, туку и нивното производство произведува нуспроизвод – CO2, кој се користи за карбонирање на пиво и безалкохолни пијалоци, за снабдување на болниците за хируршки процедури и за хумано колење на животните. Поради оваа причина, фармерите, производителите на храна, па дури и сопствениците на ресторани се длабоко загрижени за пошироките импликации од најавениот недостиг на ѓубрива.

Карлсберг Полска, трет по големина производител на пиво во Полска и подружница на данската мултинационална компанија, изјавија за Политико дека планираат веднаш да престанат со производство на пиво и дека и другите пивари сигурно ќе го следат примерот.

„Малкумина сфаќаат дека јаглерод диоксидот е нуспроизвод на производството на ѓубрива. И не може да се складира долго време, така што ни остануваат само неколку дена залиха“, рече портпаролката на Карлсберг Полска, Беата Пташинска-Зединак.

„Ќе престанеме да произведуваме во секој момент… но не сме единствените. Освен ако немаат капацитети за производство на свој CO2, повеќето пивски компании ќе мора да го сторат истото“.https://nezavisen.mk/doagja-kriza-so-pivoto-i-svinskoto-meso/