вести

Доцнат земјоделските субвенции, од Платежната агенција велат, во тек е реализација

(Oвој напис е објавен на: февруари 12, 2018)

subvencii

Реџеп Сејдиовски од село Цветово,  15 години  се занимава со сточарство. Чува околу 220 овци, но субвенции од државата последен пат има примено во 2016 година. Аплицирал и за 2017 година, но не добил ништо. Реџеп раскажува колку му се важни парите за да продолжи со дејноста.

Реџеп од Платежната Агенција не добил никаков рок за исплата на субвенциите.  За 220 овци  би требало да добие повеќе од  220 илјади денари.

И Јонуз Мухареми од село Батинци во скопската околина, има проблеми со субвенциите. Поради  долг кон Министерството за Земјоделие, кој што го исплатил уште во 2015 година, но во некоја институција и натаму фигурира како неплатен,  Платежната агенција му ја одби апликацијата за субвенции.

За доцнењата и другите проблеми на сточарите од Платежната агенција објаснуваат само дека се работи за нивна исплата. Објаснувањето за другите проблеми е од административни причини, додава директорот.

Според Бабовски, Платежната агенција, речиси во целост ја има реализирано програмата за 2016 година . Во меѓувреме почнале со исплата на субвенциите за 2017 година, чија реализација, според законот треба да заврши до 30 јуни оваа година. Бабовски додава дека проблемите со исплатата на субвенциите се должат на разни пропусти, немање матичните броеви, жиро сметки или отсуство на доказ за исплатени долгови кон државата.


 

тв21

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close