вестиТоп вести

Два милиони евра од ИПА 2 за јакнење на задругарството

Два милиона евра до 2017 година има Македонија од ИПА 2 програмата за јакнење на задругарството. Како ќе се реализираат овие пари, ќе се знае идниот месец, кога во земјава пристигнуваат веќе ангажираните италијански консултанти.
Тие, како што информира министерот за земјоделство, шумарство и водостопанство Михаил Цветков, ќе ја скенираат состојбата и ќе сугерираат конкретни мерки.

– Клучен предизвик за македонското земјоделство останува, како земјоделецот да произведе повеќе, поквалитетно и тоа да го продаде. Тука цениме дека најбрзи, најдобри резултати може да се постигнат преку здружувањето во задруги, нагласува Цветков.

dva milioni evra od ipa 2 za jaknenje na zadrugarstvoto

 

Според него, во овој сегмент, работите веќе се менуваат, се придвижуваат, иако, се уште, некои од постарите земјоделци мислат дека со зачленувањето во задруга, дел од земјиштето ќе им се одземе, што не е точно.

– Полека, овие генерации одат во пензија. Доаѓаат други, нови, кои го прифаќаат задругарството. Мора да се потпреме на нив. И генерално, земјоделството треба да го „движат“ токму тие, младите земјоделци. Како секаде во светот, така и нашите млади земјоделци треба да се организираат во задруги. Моделот се покажа успешен и функционира во западниот свет па не би сакале, ниту има потреба да измислуваме нешто ново, истакнува Цветков.

Домашните оценки, додава министерот, се дека проектираните два милиона од ИПА 2 е најдобро да се вложат во изградба на нови објекти, откупни центри, ладилници, набавка на механизација…

zadrugarstvoto-zema-zamav-benefitite-od-zdruzhenoto-rabotenje-davaat-odlichni-rezultati-234121

За задругите во Македонија има многу поволности и од буџетските средства: 90 отсто се субвенционира набавката на механизација, 30 отсто се поголеми субвенциите, а се плаќа и менаџерот на задругата, но и ова, смета Цветков, не е доволно. Затоа, од ИПА 2, по 2017 година Македонија ќе добие дополнителни 1,5 милиони, а ќе може да ги искористи до 2019-та.

Тагови

Слични написи

Back to top button
Close