вести

Две третини од тутунот откупени, цената 193 денари

(Oвој напис е објавен на: март 4, 2017)

Откупот годинава го вршат девет откупувачи. Родот е со одличен квалитет и достигна рекордна цена. Лани просечната цена беше 184 денари, а во 2014-та 120 денари. Просечната откупна цена годинава достигна речиси 193 денари, досега се откупени две третини од годинешната реколта, а исплатени се 95 отсто од откупените количини

dve tretini od tutunot otkupeni cenata 193 denari

Откупот на тутунот, и покрај снегот и лошите временски услови, се одвива според планираната динамика. По просечна цена од 193 денари за килограм, досега се откупени околу 14.000 тони тутун или две третини од ланската реколта која тежи 20.000 тони, а од откупените количини се исплатени 95 отсто.

Како што изјави претседателот на Сојузот на тутунските здруженија на Македонија Данчо Милески, родот е квалитетен, а од откупната кампања се задоволни и тутунарите и откупувачите. Ако температурите не бидат многу ниски и дозволат домашна манипулација, тутунот ќе се откупи во февруари, иако крајниот рок е 15 март.

– Нема оспорувања на процената, задоволни се и двете страни. Од околу 20.000 тони тутун останува да се откупат уште 3.500 до 4.000, главно во Пелагонискиот регион. Откупот привршува и во источна Македонија каде треба да се преземат уште 200 тони, рече Милески.
Тутунарите нудат квалитетен род кој реално се цени и затоа нема никакви недоразбирања со откупните претпријатија, истакна Милески, додавајќи дека пунктовите ќе бидат отворени до крајниот рок за откуп, 15 март.

Во Битолско откупот на тутунот е речиси при крај, а цената варира зависно од квалитетот и просечно се движи од 180 до 190 денари по килограм.

Според Подрачната единица на Министерството за земјоделство, шумарство и водостопанство, до денеска се откупени над 80 отсто од количините и се очекува до крајот на неделата откупот на тутунот целосно да заврши.

Во Пелагонија беа засадени 1.800 хектари тутун, а се откупени 1.700 од максимално очекуваните 2.500 тони. Процесот на примопредавање и откуп го следи посебна петчлена комисија, го набљудува проценувањето на квалитетот и одредувањето на цената. До денеска не е регистрирана нити една забелешка од страна на тутунопроизводителите за откупниот процес, велат од Подрачната единица.
Откупот годинава го вршат 9 откупувачи. Родот е со одличен квалитет и достигна рекордна цена.

Лани просечната цена беше 184 денари, а во 2014-та 120 денари.

Целокупното производство на тутун што требаше да го откупи “Струмица табак#, која не успеа да обезбеди финансиски средства за откуп, ќе биде преземено од останатите откупувачи. Проблемот, како што велат од Министерство за земјоделство е што “Струмица табак# има потпишано договори за откуп на тутунот басмак, а компаниите кои треба да го откупат, не го користат овој тутун.

Од ресорното министерство потсетуваат дека цената е утврдена со закон и дека никој не смее да ги уценува тутунарите.

– Оние производители кои не се задоволни од проценката на тутунот, можат да повикаат надлежен инспектор и да побараат нова проценка пред второстепена комисија. Цените не се утврдуваат паушално, туку врз основа на предадени мостри и законска класификација, велат од МЗШВ.

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Прочитајте исто така

Close
Back to top button
Close