Цената на свинското месо на најниска можна точка

Четврти месец цената на свинското месо на најниска можна точка досега. Одгледувачите на товеници се жалат на ниската откупна цена која сега се движи од 70 до 75 денари за килограм жива мера. Задржувањето на ова цена подолго време ќе биде погубна за дел од сточарските фарми, на кои им се заканува опасност од затварање – алармираат од Асоцијацијата на земјоделци.

Од таму бараат итни мерки за спас на оваа сточарска гранка. Предлогот доставен до надлежните е одгледувачите да добијат дополнителни субвенции за предадените товеници во кланици и за складирање на вишокот на замрзнато свинско месо.

Дополнителните субвенции од 45 евра што Европската унија ги дава за извоз на свинското месо на трети пазари ги доведе сточарите во регионот во незавидна и тешка ситуација, смета Шаклев според кој сите земјоделски производи имаат ниска цена на пазарот. Причината за ова, според него, е појавата на суфицит на производство поради затворањето на рускиот пазар.