Интензивно се гради Пишичка брана кај Пробиштип

Се гради Пишичка брана кај Пробиштип. Механизацијата е на терен. Се очекува до крајот на годината градежните активности целосно да бидат завршени. Новата брана која чини околу еден милион евра ќе биде бетонска, со што ќе се спречат хавариите како тие од пред три години.

Покрај Пишичка брана, годинава треба да започне изградбата на брана Речани во Кочанско – Виничкиот регион, како и брана на реката Козјак во Карбинци. Со изградбата на нови брани ќе се регулираат коритата на реките и нивните притоки со што би се намалила и опасноста од поплави како оние што беа во јануари минатата година.