Магла и ниска облачност. Попладне локални врнежи од дожд, а на планините снег

Претпладне по котлините ќе има појава на магла и ниска облачност. Попладне и во текот на ноќта ќе има локални врнежи од дожд, а на планините снег. Ќе дува слаб до умерен ветер од јужен правец.

ВРЕМЕТО ВО СЛЕДНИТЕ ДЕНОВИ: Во среда по котлините ќе има појава на магла и ниска облачност. Од утре попладне до четврток ќе има повремени врнежи од дожд, а на планините од снег. Поради спуштање на постудена воздушна маса од север, во четврток во попладневните часови ќе започне да дува засилен северен ветер и врнежите ќе преминуваат во снег и на повисоките места. Во петок и за време на викендот ќе преовладува стабилно време со ниски утрински температури.