Мицкоски: СДСМ остави буџет без 3,7 милијарди денари за земјоделците

Премиерот Христијан Мицкоски изјави дека СДСМ критикува а оставиле буџет без 3,7 милијарди денари за земјоделците.

„Понатаму заборавиле 3,7 милијарди денари за земјоделците. Не знам како, еве прашајте ги нив нека ви кажат. Ги нема, па моравме ние да ги наоѓаме. Сега милијарда и 700, па догодина уште две милијарди… Заборавиле, да речеме некаде околу половина милијарда за плати за национални шуми, а нели и конкурси објавуваа ако се сеќавате пред избори. Конкурси објавуваа, а заборавиле пола милијарда евра да им помогнат бидејќи луѓето 4 месеци плата не земале и сега нема кој да помага во гасењето на пожарите“, рече Мицкоски.