Без категорија

Поради дождовите ќе доцнат пролетните работи

(Oвој напис е објавен на: март 9, 2018)

niva

Поради обилните дождови пролетните сеидбени работи ќе доцнат барем 15-ина дена, а кога ќе се повлече водата од нивите мора да се прихрани житото зашто може да има намалување на приносите, велат од Агенцијата за поттикнување на земјоделството од Прилеп.

Според Горан Томески, раководител на подрачната единица во Прилеп, нема поплави од дождовите во прилепскиот регион но голема е влагата во почвата и сите работи во полето ќе доцнат, а така е и со расадопроизводството на тутунот.

– Во седум денови во Прилепско наврнаа околу 30 литри вода на метар квадратен. Нема полави, но затоа има огромна влага во почвата што не дозволува да се влезе во нивите. Тоа ќе предизвика доцнење на пролетните сеидбени работи барем за 15-ина дена. Ќе доцни и расадопроизводството на тутунот. Кај градинарските култури нема поголем проблем зашто расадопроизводството на пиперката е под пластеници, вели Томески.

Што се однесува до есенските култури, особено житото мора да се изврши прихранување зашто приносите може да се намалат.

– Штом ќе се повлече водата во нивите, мора да се изврши прихранување на есенското жито. Од дождовите „измие“ е азотот“, па за да нема проблеми мора да се прихрани. Ако тоа не се направи може да има намалување на приносите кај житото, а и да угинат дел растенија. Некаде, каде немало соодветно прихранување преку зимата, веќе се јавува пожолтување на растенијата, објансува Томески.


 

новамакедонија

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close