вести

Наскоро домашна ракија во продавниците и кафеаните

(Oвој напис е објавен на: ноември 19, 2018)

Новиот предлог закон за акцизи на алкохолните пијалаци кој наскоро треба да се најде пред владата, а потоа и во собранието носи драстични промени во можноста да се произведува и продава домашна ракија.

Со новиот закон конечно се олеснуваат значително околностите под кои лозарите можат да произведуваат домашна ракија која ќе може легално да се продава во маркетите и во угостителските објекти.

Секој индивидуален производител ќе може да произведе еден тон чист алкохол или два тона ракија со јачина 50 степени да плати по 30 денари за бандерола за литар од 45 степени и да ја понуди на пазарот.

Освен индивидуалните производители на алкохол новите измени во законот нудат можност и за отворање на мала дестилерија која ќе може 2 тона чист алкохол или 4 тона 50 степени ракија да ја продаваат со 50% помали давачки од сегашните кои и натаму ќе важат за големите винарии и дестилерии.

Законските олеснувања одат до таму што веќе не мора да се кријат производителите на домашна ракија и вино бидејќи ќе бидат ослободени до 200 литри чист алкохол и до 500 литри вино да си произведат за свои потреби без никакви процедури и давачки.

Покрај ова во подготовка се и законските измени на законот за вино преку кој ќе се овозможи конечно и во земјава едноставно да се регистрира мала семејна винарија.

Со овие законски измени се создаваат услови за зголемување на понудата на алкохолни пијалаци и поголема конкуренција, државата ќе ја сузбие сивата економија, ќе се создадат услови за само вработување ќе се помогне развојот на руралниот туризам и ќе се овозможи заштита на потрошувачите преку задолжителната контрола на ракијата и виното за на пазар.

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close