Nutella го смени рецептот, потрошувачите бесни

Nutella повторно се наоѓа на мета на критики на потрошувачите, сега бидејќи го променија рецептот.
Потрошувачите се огорчени и го критикуваат Фереро Роше бидејќи го променил рецептот за нивниот омилен намаз.

nutella

Потврдата од Фереро дојде откако промената ја воочила германска групација за заштита на потрошувачи.

Како што тие пренесуваат, продуктот ќе содржи повеќе шеќер, а со самото тоа и полесно ќе се размачкува.

Измените во новиот рецепт на Nutella се следните: Учеството на млеко во прав се зголемува од 7.5 на 8.7 отсто, а додаден е и шеќер, па наместо досегашните 55.9 отсто, Nutella ќе содржи 56.33 отсто – така што новата Nutella е уште поблага.

Фереро потврди дека е спроведено прилагодување, но истакнаа и дека многу други брендови редовно вршат промени.

Тие истакнаа и дека квалитетот, како и останатите клучни аспекти остануваат непроменети.

Меѓутоа, над десетици илјади потрошувачи преку социјалните мрежи го искажаа својот бес и фруструации поради промените на нивниот омилен производ.

Share Button