вести

Органските производи се продаваат на исти тезги и по исти цени како конвенционалните

(Oвој напис е објавен на: ноември 19, 2018)

Произведуваат сертифицирано органско киви, но го продаваат како конвенционално. Наместо во специјализираните продавници поголемиот дел од органското  киви  од  производителите  од Струмица завршува  на откупните пунктови за цени од 30 денари по килограм за прва и 20 за втора класа. Доколу се продава како органско цената би била повисока за околу 40%. Производители велат дека во просек од околу 70 до 80% органски производи  сигурно ги продаваат како конвенционални.  Алката што недостасува во синџирот се менаџери кои ќе се занимаваат со откуп и пласманот на овој тип производи.

,, Пласманот е најболната точка во нашиот дел на органското производство. Ние се трудиме, произведуваме органско овошје и кога ќе дојде ред за тогаш нема откупувачи, нема маркети кои би го откупиуле нашиот производ и би го понудиле на консументите.,, вели КОСТАДИН КОСТАДИНОВ – ОРГАНСКИ ПРОИЗВОДИТЕЛ

Органските производители на киви решението на нивниот проблем го гледаат во  здружувањето , а потоа организирано произведеното од нивните фарми да го понудат на пазарите надвор од државата.

,, Најдобро решение би бил извозот на нашите производи бидејќи количините кои што ги имаме за сега би можело да речеме да се направи еден контингент за извоз.,, вели КОСТАДИНОВ

Во просек на годишно ниво само во струмичко се произведуваат помеѓу 50 до 60 тони органско киви.  Поради долгиот сушен период количините годинава се намалени за околу 30 %, но квалитетот е значително подобар во однос на лани.

 


 

sitel

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close