Отворен сточниот пазар во Облешево

Сточниот пазар во населеното место Облешево по тримесечна пауза повторно е отворен. Продажбата на добиток на овој сточен пазар беше забранета поради појавата на болеста јазлеста кожа.

Директорот на Комуналното јавно претпријатие од Облешево, Стефчо Николов, посочи дека неколкумесечната пауза во работата им направила голема материјална штета на претпријатието кое стопанисува со пазарот и на сточарите. Тој истакна дека доколку сточарите сакаат да продаваат своја стока на пазарот во Облешево, ќе треба со себе да понесат сертификат и потврда за вакцинација на добитокот, која не треба да биде постара 28 дена од последната вакцинација кај добитокот.

Сточниот пазар во Облешево го користат трговци од регионот и пошироко, а доаѓаат и трговци од Косово и Србија.