вестиСоветиТоп вести

Овошни и зеленчукови задоволства во Август

(Oвој напис е објавен на: август 16, 2019)

juli

 

Веројатно не постои месец во годината во кој сезонската храна е здрава и вкусна како во август. Во овој месец имате можност да уживате во најсочното летно овошје, но и во освежувачкиот зеленчук.

Праски: Зошто ги сакаме?

Една праска со средна големина покрај добриот вкус, на нашиот организам му носи неопходни влaкна, витамин Ц и А. Витаминот А му помага на нашиот организам да го одржи балансот на течности во текот на летните денови, а витаминот Ц прави чуда за имуниот систем на кожата, посебно во летниот период кога е изложена на агресивни сончеви зраци.

Како најдобро да уживате во праските?

Природата сама по себе ни го овозможува најосвежителниот вкус, па затоа најубаво и најздраво е да ги јадете свежи. Доколку пак сакате да бидете креативни, може да ги примените и во сангрија или пак да ги карамелизирате и да ги прелиете со сладолед од ванила и цимет.

Нектарини праски: Зошто ги сакаме?

Баш како и нивните претходници, и нектарините се полни со витамини и влакна, а од друга страна бројот на калории е неверојатно низок.

Како најдобро да уживате во нив?

Иако и тие се најдобри за консумирање во природната форма, богатиот вкус на нектарините ви овозможува да ги истакнете вашите кулинарски способности. Од нив може да направите необичен прелив за месо, слатко, сокови или пак десерт со парчиња нектарини праски.

Домат: Зошто го сакаме?

Една порција исечкан домат дневно задоволува една третина од количината витамин Ц која му е потребна на човекот во текот на денот, а обезбедува исто толку витамин А. Овој зеленчук е богат и со Б6, Е и К витамини. Исто така содржи и моќен антиоксиданс кој помага во борба со некои видови на рак, но и го регулира кардиоваскуларното здравје.

Како најдобро да уживате во него?

Кога ќе сакате да консумирате домати, можностите и варијациите се неограничени. Од него може да направите сок, сос или супа, да го додадете во варени јадења, да го јадете во сендвичи и тостови или како салата.

Пченка: Зошто ја сакаме?

Пченката е богата со влакна и преполна со вода. Во неа има доста витамин Ц, па едно клавче содржи 10 проценти од дневните потреби.

Како најдобро да уживате во неа?

Наместо преработената пченка, нарачувајте испечена, посолете ја и мешајте ја со салата по ваш избор.

Лубеница: Зошто ја сакаме?

Додека температурите растат, кришката сочна лубеница преполна со вода, делува неодоливо. Со оглед на тоа дека лубеницата е 92 проценти вода и има мало количество на калории, одлична е за да го хидрира вашето тело. Содржи витамини А и Ц, а во неа има и ликоден и бета каротен.

Како најдобро да уживате во неа?

Пробајте ја летната освежувачка салата од лубеница, фета сирење и нане или направете вкусен овошен ражнич кој ќе го прелиете со мешавина од нане и мед.


 

црнобело

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close