вести

Пелагонија не е загрозена од поплави

(Oвој напис е објавен на: март 9, 2018)

pelagonija

Во февруари и март во Пелагониското поле заврнаа 100 литри дожд на м2 и природата беше мошне дарежлива со влага, а Стрежевската акумулација веќе има собрано 70 милиони м3 вода. Затоа, земјоделците сметаат дека се создава сериозна можност за успешна пролетна сеидба и вегетација на есенските култури, иако ќе има мало доцнење со прихраната и подготовката на пролетните површини.

– Оваа влага ни е добредојдена оти ние до Нова година имавме невидена суша и до Нова година се чистеше коритото на Црна. Имаме податок дека Стрежево се полни и има две третини со вода и тоа ќе биде една добра надеж за наводнување на површините што ќе бидат посејани – рече Вељо Тантаров, претседател на Сојузот на земјоделците.

– Поплавени површини има во атарот на село Гнеотино на вливот на 13 канал во вливот на реката Црна, меѓутоа вклучени се три пропелерни пумпи кои што постојано ја исфрлаат водата и карактеристично е тоа што земјиштето таму е пониско, се јавува депресија. Инаку, во останатиот дел на пелагониското поле поплави нема, со тоа што има заезерени површини,  а тоа е резултат што примарната каналска мрежа во последните осум години во Пелагонија континуирано се чисти и е исчистена. И така, мислам дека паника не треба да се создава за поплави во Битола – рече Димче Јошевски, раководител на Регионалната дирекција за заштита и спасување.

– Во 2016 година почнавме со чистење на Црна река, прво со вегетацијата бидејќи имаше многу бујна вегетација која го попречуваше протокот на вода по коритото. Сега е чиста, а ги исчистивме и островите кои беа во коритото, со што протокот е забрзан и нема никакви проблеми од поплави и излевање – рече Лазар Котевски, досегашен Регионален координатор за чистење на речните и каналските корита во Пелагонија.

Тринаесеттиот канал отсекогаш се сметал како “ахилова пета“ за Пелагониското поле, бидејќи тука се наоѓа најголемата депресија со најниските површини за земјоделско производство. Овој пат, самите водотеци покажуваат дека состојбата воопшто не е алармантна и дека тука можат да се апсорбираат многу поголеми количества вода, отколку што ги има сега.

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close