Маричиќ: Со финансиската спогодба се обезбедија 97 милиони евра за македонското земјоделство
ИПАРД 3 ќе биде ветувачка приказна, приказна што ветува многу за македонскиот земјоделец
ИПАРД е успешна приказна која веќе подолго време ја имаме и потпишувањето на оваа спогодба е само нејзино продолжување и уште поголемо развивање.
– ИПАРД 2 беше доволно силна и успешна приказна, а ИПАРД 3 ќе биде ветувачка приказна, приказна што ветува многу за македонскиот земјоделец и гаранција дека Северна Македонија ќе продолжи да биде најдобар корисник на ИПАРД програмите во регионот, рече Маричиќ.
– Со финансиската спогодба се обезбедија 97 милиони евра за македонското земјоделство за мерки од ИПАРД III програмата и тоа за: Инвестиции во физички средства на земјоделски стопанства, за преработка и маркетинг на земјоделски и рибни производи, за диверзификација на фармите и развој на бизнисот и за техничка помош, објасни вицепремиерот Маричиќ.
