вести

Поларните температури можат да предизвикаат сериозни оштетувања кај овошните насади

(Oвој напис е објавен на: март 4, 2017)

polarnite temperaturi mozhat da predizvikaat seriozni oshtetuvanja kaj ovoshnite nasadi

Поларните температури кои ги зафатија Пијанец и Малешевијата можат да предизвикаат сериозни оштетувања на овошните насади на сливи, вишни и јаболка, а ниските температури кои цел месец се во двоцифрен минус, можат и целосно да го унштат стеблото на овошките, предупредуваат агрономите.

Агрономот Неџбедин Мемедов од Агенцијата за поттикнување на земјоделството од Делчево, вели дека најмногу од ниските температури, страдаат младите насади.

– Ниските температури кои овој регион го зафатија месецов можат да предизвикаат штети на овошните насади, делумни или целосни, посебно кај младите насади кои сѐ уште немаат формирано длабок корен. Студот влијае на тој начин што може да предизвика дехидрирање на стеблото. Но, за какви оштетувања ќе стане збор, ќе видиме напролет, кога ќе почне вегетацијата, изјави Мемедов.

Тој додаде дека оваа година наликува на состојбата во 1985 година, кога ниските температури предизвикале оштетување на илјадници стебла од јаболка во Делчевско, поради што овие стебла беа искорнати.

– Ако на оваа сегашна состојба се додаде и пролетниот мраз од лани кој го уништи плодот на добар дел од насадите, сегашниот студ дополнително го ослабува стеблото, рече Мемедов и потенцираше дека овоштарите треба задолжително да ги следат препораките од агрономите со цел да не дојде до несакани псоледици.

Доколку овоштарите есента добро ги заорале насадите со арско ѓубре, посочи, на тој начин, го спасиле коренот од измрзнување.

– Арското ѓубре дава топлина на коренот. Затоа, јас ги повикувам земјоделците задолжително да дојдат во Агенцијата, да се консултираат со нас, посебно при засадување нови насади, но и доколку стеблата, кога ќе почне вегетацијата, покажат извесни промени, односно штети од невремето, истакна Мемедов.

Во регионот на Малеш и Пијанец има околу 2.000 хектари со сливи и вишни. Минатата година поради мразот во април, родот на сливите беше намален за 70 отсто.

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close